Ergoterapi

Ergoterapeut Frøydis Haga har kontorstad i kjellaren på Vik Bygde og Sjukeheim

Dagleglivet er fylt av ulike aktivitetar: 

• å stå opp, gå på toalettet og vaska seg
• laga mat, eta og drikka, rydda og gjera reint
• gjera innkjøp, stella born, køyra bil
• gå i barnehage, på skule, studera eller arbeida
• dyrka hobbyar, vera saman med andre
• sjå på tv, lesa eller lytta på radio og musikk 
• gå tur, sykla eller vera på reise
• vera ektefelle, forelder, nabo eller ven
• delta i organisasjonslivet og i samfunnet for øvrig

Ergoterapitenesta kan gje tilbod om fylgjande tenester:

• vurdering og trening av fysiske og kognitive ferdigheiter
• planleggja fysisk tilrettelegging i heimen (bustadtilrettelegging), på arbeidsplassen, i barnehagen eller på skulen, eller i utemiljø
• vurdera, tilretteleggja og tilpassa gjeremål/aktivitet
• vurdera, søkja og gje opplæring i aktuelle hjelpemiddel
• rettleiing av brukar, pårørande og hjelparar
• førebyggjande arbeid for å unngå skade eller sjukdom
• arbeidsplassvurdering (når tenesta har kapasitet)
• arbeid med rehabilitering og individuell plan

Målgruppa er mennesker i alle aldrar og livsfaser med risiko for helseplager, som har ulike sjukdommar, skader og funksjonshemmingar. 

Ergoterapeuten jobbar for at ein skal kunna vera mest mogeleg sjølvhjelpen i det daglege, kunna bu i eigen heim så lenge som råd, kunna delta i dei aktivitetane ein ynskjer, og oppleva ein meiningsfull kvardag.

Ergoterapeut er kommunal kontaktperson for Hjelpemiddelsentralen, i tillegg til å vera rørslekontakt, synskontakt og IK-kontakt (datahjelpemidler).

Ergoterapeuten jobbar tverrfagleg saman med andre tenesteytarar.

Tenesta er gratis, men tiltak kan utløysa kostnad for brukar.