Heimesjukepleien skal vera med på å fremme helse, førebyggja sjukdom, skade eller lyte. Vidare er målet å oppretthalde livskvalitetet ved at tenestemottakar får bu i eigen heim så lenge som det er ynskjeleg og praktisk mogeleg.
Alle som bur eller mellombels oppheld seg i kommunen har rett på naudsynt helsehjelp. Heimesjukepleie kan vera ein måte å gi slik helsehjelp. Det gjeld personar med akutt skade eller sjukdom, personar med kronisk sjukdom eller funksjonssvikt, personar med pleie- og omsorgsbehov som dei sjølv ikkje kan meistra.
Kommunen sitt søknadskjema eller ved å ta munnleg kontakt med tenesta. Lege eller andre avdelingar i kommunen kan henvise. Henvisning kan også koma frå sjukehus eller andre deler av spesialisthelsetenesta eller frå andre kommunar.
Tenesta tar utgangspunkt i søkjar sitt behov for naudsynt helsehjelp. Døme er hjelp til personleg hygiene, påkledning, administrering av medisin, sårstell, samtale/psykisk støtte, aktivisering, veiledning, tilsyn m.m. tenesta omfattar berre den i hushaldet som det er søkt teneste for.
Det er mogeleg med tettast oppfølging på dagtid. På kveld /natt er tenesta mest utbygd i sentrale strok i kommunen. Tenesta vert gitt på det tidspunkt som er best tilpassa for brukaren og som er tilpassa den til ei kvar tid kapasitet i tenesteområdet.
Me vil snarast mogeleg ha tilbakemelding når tenesta ikkje fungerer slik det er gjort vedtak / lovnad om; eller om hjelpebehovet har endra seg. Ta kontakt med ansvarleg leiar for tenesta, evt. med overordna leiing om det er naudsynt. Slik melding kan gjevast munnleg eller skriftleg.
Tenesta vert gitt på dei vilkår at arbeidsmiljøet til tenesteytarane vert ivaretekne. Tenestemottakar pliktar å samarbeida slik at hjelpemiddel kan nyttast og at det på alle måtar er trygt å yte hjelp i den private heim. Tenestemottakar pliktar også å melde frå dersom ein ikkje er heime og hjelpa ikkje er naudsynt.
Heimesjukepleie er gratis.
Lov om helseteneste i kommunane Pasientrettighetslova Forvatningslova Helsepersonellova
Det er klageadgang på vedtak om heimesjukepleie. Klagefristen er 3 veker. Nærare orientering om klagebehandlinga framgår av vedtaket.
Søknad vert å senda til: Omsorgstenesta, Vik kommune pb 134, 6891 Vik i Sogn
Publisert: måndag 11. oktober 2010, 21:08
Oppdatert: måndag 17. oktober 2011, 14:08
Skrevet av: Åse Berit Balvoll
Telefon: 57 69 82 00
Telefaks: 57 69 82 01
Legekontor: 57 69 87 00
Teknisk vakt utanom
opningstid: 57 69 51 11
Postadresse
Vik kommune
Postboks 134
6891 Vik i Sogn
post@vik.kommune.no
Besøksadresse
Kommunehuset
6893 Vik i Sogn
Opningstider
16. sept. - 30. april kl. 0800 - kl. 1600
Sommartid
01. mai - 15. sept. kl. 0800 - kl. 1500
Organisasjonsnummer
937498764
