Hjelpemiddel

Hjelpemiddelordninga er delt i kortidslån og langtidslån:

Korttidslån

Ved kortvarig behov for hjelpemidler, er det kommunalt hjelpemiddellager som låner ut aktuelle hjelpemiddel. Det kan vera etter ein operasjon eller ein skade, eller ved besøk/reise. Med kortvarig utlån meiner ein inntil 2 år.

På kommunalt hjelpemiddellager har me blant anna (avheng av kva som til ei kvar tid er utlånt): krykker, toalettforhøgar, dusj/toalettstol, dusjkrakk, rullestol, rullator, småhjelpemiddel som gripetang, strømpepåtrekkar og forhøgingsklossar, pute, sjukehusseng, trykkavlastande madrass, silkelaken, hjertebrett, arbeidsstol med meir.

Utlånsprosedyre:
Låntakar kvitterar på eige utlånsskjema og syter for retur av hjelpemiddel når behovet opphøyrer / evt. tek kontakt med Rehabiliteringsavdelinga for retur av hjelpemiddel.

Langtidslån

Ved varig behov for hjelpemiddel er det Hjelpemiddelsentralen i Sogn og Fjordane som låner ut. Med varig utlån meiner ein behov for hjelpemiddel som strekkjer seg over 2 år eller meir grunna varig og vesentleg innskrenka funksjonsevne.

Folketrygdlova regulerer kva typer hjelpemiddel ein kan søkja og kva kriterer som må vera fylt for å låna hjelpemiddel på varig utlån.

Hjelpemiddel for varig utlån kan dekka mange ulike behov: forflyttingshjelpemiddel, hjelpemiddel i samband med bustadtilrettelegging eller arbeidsplasstilrettelegging, syns-, høyrsels- og kommunikasjonshjelpemiddel, hjelpemiddel til å organisera og strukturera dagen, hjelpemiddel i samband med bil, hjelpemiddel til eigenomsorg, med meir.Utlånsprosedyre:
Kartlegging av behov, og hjelp til å senda søknad, vert utført av tilsette i Omsorgssektoren i Vik. Dette kan vera Rehabiliteringsavdelinga, Heimetenestene eller Syns-, hørsels-, IK- eller rørslekontaktar. Det vert også sendt søknad frå andre tenesteytarar som sjukehus eller andre behandlingsinstitusjonar.

Dersom hjelpemiddelet vert innvilga, vert dei i hovudsak sendt til Rehabiliteringsavdelinga som deretter syter for å gje opplæring og leverer ut hjelpemiddelet.

Søknad om hjelpemiddel
Fysioterapiavdelinga 57 69 87 15
Ergoterapeut 57 99 87 20 
Driftsoperatør 57 69 87 39 / 91 58 47 97
Hørselskontakt 57 69 87 30
Synskontakt 57 69 87 20
IK (data)kontakt 57 69 87 20
Rørslekontaktar 57 69 87 20 / 57 69 87 39

Problem med hjelpemiddel/reparasjon
Ta kontakt med Rehabiliteringsavdelinga på 57 69 87 39 / 91 58 47 97

Retur av hjelpemiddel
Ta kontakt med Rehabiliteringsavdelinga på 57 69 87 39 / 91 58 47 97
Ver gild og returner hjelpemiddel så snart behovet opphøyrer.

http://www.nav.no/page