Vik kommune helsar ny dirigent velkomen til Vik. Michael Martin har gått over i ny stilling på Røros og me har vore på leit etter erstattaren hans. Denne gongen har me halde oss på heimlege trakter - på nordsida av Sognefjorden og nærare bestemt i Sogndal. Robert Kvam  - som har takka ja til stillinga - kjem frå Sogndal men med røter også til Fjærland. Han har lang røynsle frå musikklivet i Sogn - frå heimkommunen sin og frå Luster.

Vik kommune ønskjer Robert Kvam velkomen som medarbeider i kulturlivet vårt - me vonar og trur at han kan gi ny giv til musikklivet i heile kommunen. Han vil vera på plass frå nyttår.