Introduksjonsprogram for nytilkomne flyktningar

Generelt

Beskrivelse

Føremålet med introduksjonsprogrammet er å gjere det enklare for flyktningar å ta del i arbeidslivet og å gjere dei meir økonomisk sjølvstendige. Det er eit krav at du bur i ein kommune etter avtale med utlendingsstyresmaktene, og at du har behov for grunnleggjande kvalifisering.

Introduksjonsprogrammet skal minst innehalde opplæring i norsk og samfunnskunnskap og førebuing til deltaking i arbeidslivet. Programmet skal vere heilårleg og på fulltid og kan vare i inntil to år. Det skal setjast opp ein individuell plan ut frå opplæringsbehova til den enkelte. Deltakarar har krav på introduksjonsstønad. På årsbasis er dette to gonger grunnbeløpet i folketrygda. Personar under 25 år får 2/3 stønad.

Målgruppe

Du er nytilkomen flyktning mellom 18 og 55 år og har fått innvilga opphaldsløyve som lista opp nedanfor. Med nytilkomen reknar ein at du har vore i landet under to år.

Kriterier/vilkår

Eit av følgjande kriterier gjeld:

Du har fått asyl
Du er overføringsflyktning med innreiseløyve
Du er innvilga opphaldsløyve på humanitært grunnlag etter søknad om asyl
Du blir familiegjenforeint med personar i dei gruppene som er nemnde over, som ikkje har vore busette her i meir enn fem år
Du har etter samlivsbrot fått opphaldsløyve på sjølvstendig grunnlag på grunn av mishandling i samlivet

Pris for tjenesten

Tenesta er gratis.

Brosjyrer, dokumenter, kart og lignende

Serviceerklæring

Regelverk

Kommunen skal sørgje for introduksjonsprogrammet.

Praktiske opplysninger

Saksbehandlingstid

Kommunen har plikt til å sørgje for introduksjonsprogram så snart som mogleg og innan tre månader etter at du har busett deg i kommunen. Dersom du ikkje har fått tilbodet innan éin månad, skal du ha skriftleg melding om årsaka til dette, med opplysninger om når du kan rekne med at introduksjonsprogrammet kan starte.

Klagemulighet

Du kan klage på vedtak om

tildeling av program/stønad
vesentlege endringar i planen
at programmet blir stansa
godkjenning av permisjon

Dette må skje innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje dette. Kommunen vil kunne gje deg rettleiing. Klageinstans er Fylkesmannen. Før klaga går vidare dit, skal den instansen i kommunen som gjorde vedtaket, vurdere om det er grunn til å endre det.

Andre opplysninger

Dato oppdatert: 2011-08-25 15:08

Tenester