Sosialtenesta kan gi lån som ei form for økonomisk stønad.
Dei som mellombels er ute av stand til å betale for livsopphald, for eksempel mat, klede, husleige, straum osv., eller som treng økonomisk hjelp i ein vanskeleg situasjon.
Grunnvilkåret for å få kommunalt lån er det samme som for økonomisk stønad elles. Lån kan gjevast til den som ikkje kan sørgje for livsopphaldet sitt sjølv eller som treng lån for å tilpasse seg ein vanskeleg livssituasjon. I tillegg skal det vere sannsynleg at søkjaren vil vere i stand til å betale tilbake lånet.
Kommunen vel sjølv om økonomisk stønad skal gjevast som lån.
Ta kontakt med Nav for å få hjelp til å søkje om lånet.
Kontakt Nav Vik.
Søknader blir behandla etter kvart som dei kjem inn.
Nav Vik, postboks 93, 6891 Vik i Sogn.
Det vil bli gjort eit vedtak. I vedtaket går det fram om du har fått tenesta eller ikkje, og kva tenesta eventuelt dekkjer.
Kommunen har plikt til å behandle saka så snart som mogleg. Dersom det ikkje kan bli gjort vedtak i saka innan éin månad, skal du ha skriftleg melding om årsaka til det, med opplysningar om når du kan vente at det vil bli gjort eit vedtak.
Du kan klage på vedtaket innan ein frist på tre veker frå du mottok vedtaket. Klagen sender du til den instansen som har gjort vedtaket. I klagen skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er Fylkesmannen. Før klagen blir send dit, skal den instansen i kommunen som gjorde vedtaket, vurdere om det er grunn til å endre det.
___Telefon: 57 69 82 00
Telefaks: 57 69 82 01
Legekontor: 57 69 87 00
Teknisk vakt utanom
opningstid: 57 69 51 11
Postadresse
Vik kommune
Postboks 134
6891 Vik i Sogn
post@vik.kommune.no
Besøksadresse
Kommunehuset
6893 Vik i Sogn
Opningstider
16. sept. - 30. april kl. 0800 - kl. 1600
Sommartid
01. mai - 15. sept. kl. 0800 - kl. 1500
Organisasjonsnummer
937498764
