Renovasjonsavgift

Hovudprinsippet for utrekning av gebyrsatsar renovasjon, er mengde levert avfall; dvs storleik på behaldar, tal behaldarar og hentefrekvens.  Ved auka hentefrekvens vert avgifta auka høvesvis.

Eit standardabonnement vert definert som:

• 1 stk. 140l behaldar våtorganisk avfall tømt kvar 14. dag
• 1 stk. 140l behaldar for papp/papir tømt kvar 4. veke
• 1 stk. 140l behaldar for restavfall tømt kvar 4. veke

Fleire hussstadar kan (om ynskjeleg/ med lite behov) levere avfall i felles behaldarar, og såleis få særskilde reduserte gebyr.  Kontakt Tenestetorget for meir informasjon.

Ved bruk av 4,5m³ og 8m³ container m.m, vert prisen rekna ut med grunnlag i standard-abonnementet. Irekna i gebyret i tabellane under er kr 60,- pr. abonnement , som er Vik kommune sin del for innkrevjing av gebyr, oppdatering av abonnementsregister m.m. Ved endring av sorteringsreglementet, kan tekstdelen i gebyrtabellane endrast av SIMAS.

Grunnlaget for avgifter renovasjon (medrekna slamtømming) vert fastsett av SIMAS. I tillegg må Vik kommune, ut frå sjølvkostprinsippet , dekka inn dei kostnadene som kommunen har etter den tidlegare renovasjonsordninga (kapitalkostnader til tidlegare investeringar og leigeavtale Røyrvik avfallsdeponi).

Dette tillegget er for 2012 sett til kr. 120, - for eit vanleg abonnement, nærings- og fritidsabonnement.

Gebyr for renovasjon og slam for 2012, vedteke av Simas i møte 28.10.11.

 Prisane er inkl. mva.

Døme på dei mest vanlege gebyrsatsane for renovasjon:

Fritidshus/feriehusvære

Eigarar/festarar av fritidshus/feriehusvære vert ikkje pålagt å sortere avfallet. Desse vert anten tilvist å levere i behaldarar/containere/bosbuer som vert sett opp på ulike stader i kommunen, eller tilvist å levere i sekk på oppgjeven stad til gjevne tider.  Dei som ynskjer det eller har behov for det, kan i staden få utlevert 3 stk. 140 liter behaldarar, 1 for våtorganisk, 1 for restavfall, og 1 for papp/papir, som skal utsetjast på oppgjeven stad til gjevne tider.

Renovasjonsgebyret for fritidshus/feriehusvære vert fastsett til 40% av standardgebyret for dei som leverer avfallet sitt i felles behaldar/container/bosbuer eller sekk.

Renovasjongebyret for fritidshus/feriehusvære vert fastsett til 50% av standardgebyret for dei som leverer avfallet sitt i 3 stk 140 liter behaldarar(våtorganisk avfall,restavfall og papp/papir).