Røysterett

Norske statsborgarar som har fylt 18 år innan utgangen av 2011, og som nokon gong har vore registrert som busett i Noreg. Det er utan betydning om dei er registrert som busett i utlandet på valdagen.

Statsborgarar i andre nordiske land som har fylt 18 år innan utgangen av 2011, dersom dei vart registrert i folkeregisteret som busette i Noreg seinast 30.juni i 2011, og framleis bur i landet på valdagen.

Andre utanlandske statsborgarar som har fylt 18 år innan utgangen av 2011, dersom dei har stått innført i folkeregisteret som busette i Noreg samanhengande dei tre siste åra før valdagen.

Alle som skal røyste, må vere innført i manntalet. Manntalet er oversikt over dei som har røysterett i kommunen. Du står i manntalet i den kommunen der du var registrert i folkeregisteret som busett 30.juni 2011. Har du flytta, er det framleis adressa 30.juni som avgjer i kva kommune du har røysterett.