Skulehelsetenesta

Føremålet med skulehelsetenesta
Skulehelsetenesta er ei lovpålagd teneste som skal gi eit heilskapleg tilbod til barn og ungdom mellom 6-16 år.

Føremålet med tenesta er å fremja eleven si helse fysisk, psykisk, sosialt og å førebyggja sjukdom og skade.

I samarbeid med heim og skule skal skulehelsetenesta arbeide for å løysa dei helsemessige behov som knyter seg til skuleeleven sin situasjon.

Tenesta skal medverke til at den einskilde elev seinare i livet på eiga hand skal kunne velja det som tener helsa best, og utnyttar og utviklar ressursane sine.
 

Fagleg innhald og organisering
Skulehelsetenesta omfattar

• Helseundersøking
• Vaksinering
• Rådgjeving/rettleiing
• Opplysnings- og miljøarbeid 

Ut frå lovverk og forskrifter vert det sett krav til ei fagleg forsvarleg teneste.
Tenesta bør tilpassast eleven sin alder og behov, geografiske tilhøve.

Helseundersøking/tiltak på ulike klassesteg:
Dette er ein førebels oversikt over noverande tiltak, det kan verta endringar.
Skulen, elevar og føresette får informasjon på førehand.

I 1. klasse vert alle elevane undersøkt av helsesøster og lege, elles får elevane tilbod om målretta helseundersøking tilpassa behov og risiko.

1.klasse:

• Helseundersøking av alle elevane hjå helsesøster og lege på helsestasjonen
• Foreldreskjema - samtale med barnet og foreldre/ føresette
• Syn, høyrselstest, vekt, høgde
• Generell motorisk vurdering av fysioterapeut på skulen

2.klasse:

Vaksinering DTP - IPV (påfyllingsdose difteri, stivkrampe, kikhoste og polio)
Informasjon vert gitt på førehand

3.klasse:

• Samtale med eleven om helse og trivsel
• Høgd og vekt.
• Syn- og høyrselskontroll

5.klasse:

• Helseopplysning i klassen: Korleis tek vi vare på kroppen vår?
• Kosthald og fysisk aktivitet

6.klasse:

• Foreldreskjema. 
• Syn- og høyrselstest
• Vekt og høgde
• Samtale og info. Materiale om pubertet, kosthald, skulemiljø.
• MMR vaksine. Informasjon vert gitt på førehand.

7. klasse:

• HPV vaksinasjon av jentene (3 doser, kun jenter)

Informasjon vert gitt på førehand

8 klasse:

• Samtale og info.materiale om ungdom i utvikling, skulemiljø, eigenomsorg, grensesetting
• Vekt og høgdemåling
• Målretta helseundersøking ved behov

9.klasse:

• Undervisning psykisk helse del 1.

10.klasse:

• Poliovaksine. Informasjon vert gitt på førehand
• Målretta helseundersøking ved behov.
• Helseopplysning og info. om seksuelt overførbare sjukdomar og prevensjon
• Undervisning om psykisk helse del 2 - helsesøster og psykiatrisk sjukepleiar. 

Helsesøster kan vera tilgjengeleg med helseopplysning/undervisning i grupper/klasse òg på foreldremøter etter behov.
Helsesøster har òg samtale med klassekontakt på dei ulike klassestega.
Turnuslege er og tilgjengeleg ved behov
 

Aktuelle tema kan vera

• Kosthald
• Førstehjelp
• Ulukker/skader
• Pubertet
• Røyk/rus
• Seksualitet og prevensjon
• Psykisk helse
• Infeksjonssjukdommar
• Vaksineinformasjon

Kontaktinformasjon

Opningstider