Tenester A-Å

Snarvegar

Helsetenestetilbod til innsette i fengsel

Generelt

Tenesteomtale

Det er eit viktig prinsipp at innsette i fengsel har rett til dei same helse- og omsorgstenestene som resten av befolkninga har. Tilbodet skal vere tilpassa behova til den enkelte. Retten til nødvendig helsehjelp tyder ikkje at ein har rett til eit bestemt medikament eller ei bestemt behandling, for eksempel vanedannande legemiddel mot søvnproblem. Her som utanfor fengselet er det faglege vurderingar som skal leggjast til grunn. Kommunen som fengselet ligg i, skal sørgje for at innsette har tilgang på

allmennlegeteneste
legevaktordning
sjukepleieteneste
fysioterapiteneste
jordmorteneste

Tilbodet omfattar blant anna

helseundersøkingar
utarbeiding av individuell plan
legemiddelassistert rehabilitering
tannbehandling
førebyggjande tiltak
tilrettelegging for tida etter frigjeving

Pris for tenesta

Tenesta er gratis. Unnataket er omfattande tannbehandling, som den innsette må betale sjølv.

Samarbeidspartnarar

Helse- og omsorgsdepartementet
Helsedirektoratet
Statens helsetilsyn
Fylkeskommunen
Dei regionale helseføretaka
Kriminalomsorga
Nav
Barnevernstenesta

Kommunen har ansvar for helsetenesta i fengsel som ein del av den kommunale helse- og omsorgstenesta. Sjå helse- og omsorgstenestelova § 3-9.

Praktiske opplysningar

Rettleiing - korleis få utført eller motta tenesta

Den innsette skal så raskt som mogleg etter fengsling få informasjon om helse- og omsorgstenestetilbodet. Innsette som ber om det, skal få tilbod om helseundersøking eller konsultasjon hos lege.

Høve til å klaga

Innsette i fengsel har klagerett på same måten som resten av befolkninga. Dersom du meiner du ikkje får nødvendig hjelp eller er misnøgd med utføringa av tenesta, kan du sende ein klage til kommunen eller direkte til tenesteytaren. Forklar kva du er misnøgd med og kva for endringar du ønskjer.
Sjå utfyllande informasjon på lenka:
https://helsenorge.no/rettigheter/klageordninger

Andre opplysningar

Dato oppdatert: 2020-03-02 08:27

Tenesteomtalar

Helsetenestetilbod til innsette i fengsel

Avdelingsinformasjon

Pleie og omsorg