Landbruksveg / skogsveg - bygging

Generelt

Tenesteomtale

Du må ha godkjenning av kommunen ved nybygging eller ombygging av landbruksvegar. Det skal leggjast vekt på at vegen fremjar rasjonell landbruksdrift og tek vare på heilskaplege løysingar uavhengig av eigedomsgrenser. Konsekvensane som vegen vil ha for natur, kulturminne og friluftsliv, vil bli vurderte.

Ved skogsdrift kan små tiltak som utbetring av oppstillingsplass for taubaner, eller korte midlertidige driftsvegar opprettast utan godkjenning frå kommunen. Me ser helst at me vert varsla før gjennomføring for å vurdere om det er eit søknadspliktig tiltak.

Målgruppe

Landbruksføretak

Kriterium/vilkår

  • Skal du byggje ein landbruksveg med ei lengd på over 5 kilometer, må du ha ei godkjend konsekvensutgreiing før det blir gjort vedtak.
  • Avkøyrsel frå offentleg veg og velteplassar som blir lagde inn til offentleg veg, skal på førehand vere godkjend av vegstyresmaktene

I samband med sjølve godkjenninga kan kommunen mellom anna setje vilkår for 

  • linjeføring, teknisk utforming og miljømessig tilpassing av vegen 
  • skogsdrift (for vegar til skogbruksføremål) dersom det er påkrevt for å ta vare på dokumenterte miljøverdiar

Kommunen kan òg setje vilkår som avgrensar motorisert ferdsel på vegen, til dømes at vegen må stengjast med bom.

aaa

Når hovudføremålet med vegen er landbruk, dvs. at meir enn 50 % av nytteverdien av vegen er landbruksrelatert verksemd, skal søknaden behandlast etter forskrift om planlegging og godkjenning av vegar for landbruksføremål. Når hovudføremålet med vegen ikkje er landbruksrelatert verksemd, blir søknaden behandla etter plan- og bygningslova.

Sjå òg plan- og bygningslova § 29-7 Krav til produkter til byggverk.

Lover

Forvaltningsloven
Plan- og bygningsloven
Jordlova
Skogbrukslova

Forskrifter

Forskrift om konsekvensutredninger
Forskrift om planlegging og godkjenning av landbruksveier
___

Praktiske opplysningar

Rettleiing - korleis få utført eller motta tenesta

Du sender ein skriftleg søknad til kommunen. På førehand må du underrette dei som veganlegget får følgjer for, til dømes naboar og rettshavarar. Opplys i søknaden om at dette er gjort. Gjer greie for dei driftsmessige og økonomiske fordelane du vil oppnå med tiltaket. Eventuelle alternative vegtrasear bør òg komme fram.

Skjema

Skjema "Søknad om bygging av landbruksveg:"
https://www.landbruksdirektoratet.no/no/dokumenter/skjema?q=&servicekey=39417


Vedlegg

Kartdel som viser 

  • planlagd veg og dekningsområde jamført med eksisterande vegar 
  • planlagde massetak i samband med vegbygginga 
  • lokaliseringa for alle kjende miljøverdiar i området 
  • eksisterande bygningar

Sakshandsaming

Fylkesmannen skal få høve til å uttale seg før kommunen gjer vedtak. Det gjeld òg kulturminneforvaltninga i fylkeskommunen, Samisk kulturminneråd og reindriftsagronomen når vegen kan ha følgjer for interessene i fagområda deira.

Kommunen gjer vedtak om godkjenninga, set eventuelle vilkår eller nektar at heile eller delar av veganlegget blir bygt. Det blir sett ein frist for når tiltaket skal vere gjennomført. Dersom fristen ikkje blir overhalde, fell godkjenninga bort.

Sakshandsamingstid

Kommunen skal innhente dei opplysningane som er nødvendige for å avgjere saka. Deretter blir det gjort eit vedtak. Til vanleg får du ei grunngjeving samstundes med vedtaket. Du får alltid ei grunngjeving dersom ein trur at du blir misnøgd med vedtaket. Dersom grunngjevinga ikkje følgjer med, kan du få ho ved å vende deg til kommunen før klagefristen for vedtaket går ut.

Høve til å klaga

Dersom du er misnøgd med vedtaket, kan du klage til kommunen innan ein frist på tre veker frå du fekk det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka sendt vidare til Fylkesmannen, som avgjer om klagen skal bli teken til følgje.

___

Andre opplysningar

Dato oppdatert
2019-02-13 07:56

Tenesteomtalar