Kva er samfunnsdelen til kommuneplanen?

Det er plan- og bygningslova kapittel 11 som pålegg kommunane å ha ein kommuneplan med samfunnsdel, arealdel og handlingsdel og gjev føringar for planen. Samfunnsdelen er kommunen sitt viktigaste verktøy for heilskapleg og strategisk styring. Den viser kommunestyret sine prioriteringar for utvikling av både kommunesamfunnet og kommunen som organisasjon, og legg til rette for samordna innsats på tvers av sektorar. Samfunnsdelen skal også leggje føringar for alt anna planarbeid i kommunen. Den gjev styringssignal til kommuneplanen sin arealdelen og kommunen sine underliggjande planar, slik som temaplanar, handlingsplanar og ev. sektorplanar. For å vere eit godt styringsverktøy må samfunnsdelen vere tett kopla med økonomiplanen.