Meir om tenesta
Tenesta samarbeider tett med andre tenester i kommunen og med eksterne tenesteytarar som NAV, arkitekt med meir.
Ergoterapeuten sitt hovudfokus er å leggja til rette for størst mogeleg sjølvstende hos personar der sjukdom, skade eller anna funksjonsnedsetjing hindrar aktivitet og gjennomføring av daglege gjeremål. Dette inneber mellom anna:
• kartlegging av individuelle behov
• trening i ulike ferdigheiter og bruk av teknologi
• søkja om og/eller tilpassa hjelpemiddel
• tilrettelegging av fysiske omgjevnader
Tenesta er ein del av kommunen sitt tverrfaglege habiliterings- og rehabiliteringstilbod.
Ergoterapitenesta kan utføra fylgjande oppgåver:
• Kartlegging og vurdering av funksjonsnivå
• Trening og motivering på område som er viktige for tenestemottakar
• Tilrettelegging og opptrening i ulike rehabiliteringsfasar
• Tilrettelegging for meir sjølvstende, og oppleving av meistring på ulike arenaer
• Utprøving, tilpassing og formidling av hjelpemiddel som kan gjera kvardagen enklare og tryggare
• Gjennomgang av aktivitetar, betre balanse mellom aktivitet og kvile, samt utforming av aktivitetsplan
• Råd og rettleiing ved kognitive vanskar, til dømes ved kommunikasjon, struktur, konsentrasjon og hukommelse
• Råd og rettleiing ved tilrettelegging av bustad og offentlege bygg/universell utforming
På denne lenkja kan du sjå ein liten informasjonsfilm om kva ergoterapi er
Situasjonar der ergoterapitenesta kan vera aktuell:
• Ved stor/brå endring av funksjon
• Ved motoriske vanskar (medfødd eller oppstått seinare)
• Ved endring i ferdigheiter knytt til daglege, praktiske oppgåver som ein meistra tidlegare (hygiene, matlaging, innkjøp, sosial kontakt m.m).
• Ved behov for tilrettelegging og/eller hjelpemiddel for å kunne utføra daglege gjeremål
• Ved kroniske lidingar
• Ved endringar i sanseapparatet (syn, høyrsel, sensibilitet)
• Ved psykiske lidingar
• Ved kognitive vanskar grunna demens eller andre hjerneskader/-sjukdomar. Ergoterapeutane er med i Hukommelsesteamet i kommunen.
• Utfordringar knytt til ergonomi og arbeidsoppgåver (i samarbeid med andre faginstansar)
Kvar kan du få tenesta?
Du kan få tilbod frå ergoterapeut
• i eigen heim
• i barnehage/på skule
• i institusjon
• på arbeidsplass
• poliklinisk tilbod på rehabiliteringsavdelinga
Kven kan få tenesta?
Menneske i alle aldersgrupper, som i samband med skade, sjukdom, funksjonsvanskar eller andre livsendringar har vanskar med å meistre eigen kvardag kan ha trong for ergoterapi.
Korleis kan du søkje på tenesta?
Det er ikkje naudsynt å søkja på tenesta. Ta kontakt med tenesta på telefon eller ved å ta kontakt direkte på besøksstad. E-post kan også nyttast, men ikkje send sensitiv informasjon via e-post. Me tek også i mot meldingar frå fastlegar, sjukehus og andre.
• Ergoterapeut Frøydis Haga tlf. 481 10 399
(synskontakt, leiar Bustadrådgjevingsgruppe)
• Ergoterapeut Svanhild Hønsi Aafedt tlf. 904 01 630
(høyrselskontakt)
Ergoterapi er del av rehabiliteringsavdelinga. Du finn oss i Vik helse- og omsorgssenter, hovudinngang frå parkeringsplassen ved Rv 13, og deretter til venstre.
Søknadsfrist
Det er ikkje søknadsfrist.
Kva kostar det?
Tenesta er gratis.
Vilkår for å få tenesta
Kommunen vil gjere ei fagleg vurdering av behovet ditt for ergoterapi.
Korleis kan du klage på tenesta?
Dersom du meiner du ikkje får naudsynt hjelp eller er misnøgd med utføringa av tenesta, kan du senda ein klage til kommunen eller direkte til tenesteytaren, der du skildrar kva du er misnøgd med og kva endringar du ynskjer.
Tenesteleiar Helse- og rehabilitering: Hilde Tenold tlf. 934 54 223
Fagleiar rehabilitering: Reidunn Bolstad tlf. 905 33 581
Kontaktinformasjon
Aktuelle lenker og dokument