Dersom du vil bygge eller føre opp noko som er i strid med lov, forskrift eller plan, må du søke om dispensasjon. Kommunen kan gje varig eller mellombels dispensasjon frå føresegner gjeve i eller i medhald av plan- og bygningslova.
Vilkåra for å gje dispensasjon går fram av pbl. § 19-2:
Omsyna bak føresegna det blir søkt dispensasjon frå kan ikkje bli satt vesentleg til sides
I tillegg må fordelane ved å gje dispensasjon vere klart større enn ulempene.
Det er søkar sitt ansvar å grunngje kvifor kommunen skal gje dispensasjon.
Kommunen kan ikkje gje dispensasjon frå reglane om sakshandsaming. Du kan ikkje få svar på dispensasjon før den er handsama etter reglane i lova.
Er du i tvil om det du skal bygge krev dispensasjon? Send oss gjerne ein skriftleg førespurnad
- Plassering av bygning er i strid med regulert byggegrense
- Bygging nær veg
- Tilbygg nærare nabogrense enn 4 meter
- Bygningen vert høgare enn krav i arealplan
- Utnyttingsgrada for eigedomen vert overskriden
- Bygningen eller tiltak nær sjø eller vassdrag
- Du kan søke om dispensasjon saman med byggesøknad, eller som eigen søknad. Søknad om dispensasjon skal vere grunngjeven på eige skriv. Du må og nabovarsle at du søker om dispensasjon.
- Dispensasjon må vere grunngjeve og du skriv det som eit brev. Du må skrive kva du søker dispensasjon frå, og kvifor du bør få det.
- Ta gjerne med fordelar og ulemper som følgjer av dispensasjonen.
- Dispensasjon må bli nabovarsla slik som vanleg byggesøknad. Vi oppmodar difor om at du søker om dispensasjon saman med byggesøknad.
- Dersom du søker om dispensasjon utan byggesøknad bør du legge ved ei enklare teikning og situasjonskart som illustrerer kva du vil gjere.
- Vi må ha kvittering på at nabovarsel er mottatt.
- Dersom det er eit større og komplisert byggetiltak bør du søke om dispensasjon som eigen søknad. Dersom du ikkje får innvilga dispensasjon har du då ikkje brukt tid og pengar på å engasjere eventuelle føretak og arbeid for søknaden.
- Om du skal bygge hus, bod, garasje, mur, trapp eller anna fast konstruksjon nærmare enn 15 meter frå senterlinja til kommunal veg, må du søke om dispensasjon. Dette gjeld dersom eigedomen din ikkje har ei regulert byggegrense i gjeldande plan.
- Slik søker du
- For å søke om dispensasjon langs kommunal veg kan du bruke det elektroniske søknadskjemaet på heimesida til Statens vegvesen
- For at søknaden skal bli handsama må den innehalde:
- Ei skildring av det du skal bygge
- Situasjonskart som viser plasseringa av tiltaket. Teikn ei målsatt linje frå det du skal bygge til midten av vegen
- Dersom tiltaket vil påverke sikt i ei avkøyrsle eller langs vegen må du teikne inn frisikt i avkøyrsla
Lenkje til bygge og aktivitetsforbod langs offentleg veg
Kontaktinformasjon:
Publisert 29.06.2021 09:52
Sist endra 07.02.2024 13:16