Vegvedlikehald

Du kan melde frå til kommunen dersom det er forhold ved ein kommunal veg som svekkjer framkomsten eller trafikktryggleiken.

Meir om tenesta

Det kan til dømes vere hol i vegen, manglande gatelys eller behov for brøyting. Kommunen har ansvaret for drift og vedlikehald av kommunale vegar. Fylkeskommunane sørgjer for fylkesvegar og staten for riksvegane. Kommunen kan stengje ein veg dersom vêr- og føretilhøva ikkje gjer det mogleg å halde han open. Vedlikehaldet omfattar køyrebane, bankettar, skråningar og dreneringssystem.

Kommunen har som mål å sjå til at det kommunale vegnettet har tilfredsstillande framkomst, både sommar og vinter. Det vert lagd vekt på tryggleik for vegfarande, god samfunnsmessig ressursutnytting og innanfor dei økonomiske råmene forvalte vegnettet.