Skilt og reklame

Oppføring av skilt og reklame er søknadspliktig.

Meir om tenesta

Det kan vere informasjon om næringsverksemd, eit produkt eller eit lokalt arrangement.

Gjenstandane kan vere alt frå skilt til transparentar, flagg, ballongar, lys. Uansett avstand frå vegen må du søkje dersom skiltet er retta mot trafikken, eller er synleg for vegfarande. Kommunen gir løyve for ein avgrensa periode. Skilt på laus fot som blir plasserte på fortau, i køyrebana eller på vegkanten er forbode.

Dersom du set opp skilt utan løyve, og kommunen må fjerne det, må du sjølv ta kostnaden.

Kommunen kan gje deg meir informasjon om

kva det kan gjevast løyve for
kva som ikkje er tillate
kva du kan gjere utan å søkje om løyve

Målgruppe

Næringsdrivande
Organisasjonar
Privatpersonar

Vilkår / Kriterium

Du treng ikkje søkje dersom du skal setje opp

namneskilt eller reklame for eiga verksemd, og som er plassert på sjølve bygningen der verksemda blir driven, såframt det ikkje påverkar trafikktryggleiken
skilt i kryss med privat veg, slik som adresseskilt, eller "Køyr langsamt, born leikar"

Sjå veglova §33 og §57, vegtrafikkloven §5 og plan- og bygningsloven § 30-3.