Detaljreguleringsplan Vetleøyri - offentleg høyring

Kommunedirektøren har jamfør delegerings- og innstillingsreglementet for Vik kommune mynde til å leggja reguleringsplanar ut til offentleg ettersyn. Me legg med dette detaljreguleringsplan Vetleøyri ut på offentleg ettersyn i samsvar med plan- og bygningslova §12-10. Planid: 4639-2025001.

Planområdet ligg på Vetleøyri, mellom Vikja og avkøyrsla til Røyrvik Bygg og Betong. I sør grensar planområdet til Vik Ørsta. Planforslaget legg til rette for eit gangsamband som koplar saman strandpromenaden og gang- og sykkelveg til Gotevik. I strandsona mellom riksvegen og Sognefjorden vert det lagt til rette for sentrumsutvikling, park for ålmenta med tilgang til fjorden og noko areal for lagerbygg. I sjøen legg planforslaget til rette for at eksisterande hamn/kai og småbåthamn vert vidareført. Sør for riksvegen vert eksisterande arealbruk vidareført.

Les meir og kom med innspel til høyringa på denne lenkja.

Frist for å koma med innspel er 26.09.2025.

Les høyringsdokumenta på arealplan.no på denne lenkja.