Informasjon om ope kommunehus og Vik kyrkje i samband med at det er lagt ut kondolanseprotokoll til minne om H.M. Kong Harald V

Kong Harald vil bli hugsa som ein samlande konge for heile landet som gjennom eit langt liv i teneste for Noreg møtte menneske med varme, klokskap og ekte engasjement.

For å gje innbyggjarane høve til å visa si deltaking, er det lagt ut kondolanseprotokoll både på Vik rådhus og i Vik kyrkje. Her kan alle som ønskjer, leggja att ei personleg helsing til minne om Kongen.

Vik rådhus vil vera ope kvar dag frå kl. 10.00 til 14.00, sju dagar i veka fram til gravferda.

Vik kyrkje vil vera open fredag 28. august frå kl. 12.00 til 17.30 og laurdag 29. august frå kl. 10.00 til 17.00. Også her vil det vera høve til å skriva i kondolanseprotokollen.

Ordføraren har på vegner av Vik-samfunnet skrive ei helsing i kondolanseprotokollen og uttrykkjer medkjensle med Dronning Sonja, kongefamilien og alle som stod Kong Harald nær.