Søk på nytt tilskot til klimarådgjeving

Kven kan søkje

For å motta tilskot til klimarådgjeving, må søkjar:

• Vere eit jordbruksføretak som fyller vilkåra for å motta produksjonstilskot og avløysartilskot.
• Ha fått klimarådgjeving til eigen jordbruksproduksjon. Rådgjevinga skal vere gjennomført etter eit rådgjevingsopplegg godkjent av Landbruksdirektoratet.
• I løpet av rådgjevinga fått laga ein plan for tiltak som skal redusere føretaket sin klimabelastning og betre føretaket sin moglegheit til å tilpasse seg eit endra klima.

Føretak som har gjennomført klimarådgjeving etter søknadsfristen for RMP i 2025, kan søkje om tilskot til klimarådgjeving når søknadssystemet opnar i løpet av første halvdel i 2026. Tiltaksplanen skal ikkje leggjast ved søknaden, men må kunne visast fram ved kontroll. I søknadsskjemaet skal søkjar skrive inn diverse opplysningar frå tiltaksplanen.

Korleis søkje

Trykk på denne lenkja for å logge deg inn. (Altinn-pålogging).

Det er mogleg å søkje på papir om søkjar ikkje har høve til å søkje digitalt. Papirskjema er klart i første halvdel av juli.

Det er ingen søknadsfrist, føretaka kan søkje fortløpande gjennom heile året.

Rettleiing / informasjon om søknad

Forskrifta for tilskot finn du på lenkja her

Dersom du treng søkje om dispensasjon, eller har spørsmål om ordninga kan du ta kontakt med Statsforvaltaren i Vestland, tlf 576 43 000 (sentralbord).