Tilskotsordninga skal bidra til å hindre tap av kulturminne og kulturmiljø og sikre kulturminne som bruksressursar, og som grunnlag for kunnskap, oppleving og verdiskaping. Ordninga tek sikte på å gje tilskot til istandsetting av verneverdige kulturminne som er prioritert av kommunane i Vestland fylke.
Gjeldande retningsliner, regulerer søknader om tilskot til å gjelda:
• Faste kulturminne som er prioriterte i kommunen sin kulturminneplan 2018-2029 (PDF, 3 MB).
• Kulturminne som Vestland fylkeskommune vurderer til å ha regional verdi eller interesse. Kulturminne regulert til bevaring/omsynssone etter plan- og bygningslova vert prioriterte.
Søknadsfrist er 24.januar 2025. Send søknad til Vik kommune, e-post postmottak@vik.kommune.no eller til postboks 134, 6891 Vik i Sogn. Merk søkande med «tilskot til verna kulturminne».
Døme på restaureringstiltak i kommunen som tidlegare har fått støtte frå ordninga:
• Tinastova, stabburet og eldhuset på Ytre Le
• Fjøs på Guhaugen
• Fjøs på Hopperstad
• Gamlestova på Hovland
• Løytnantstova på Feidjane
• Feios kyrkje og Rinde stavkyrkje
Meir informasjon om tilskotsordninga finn du her.