Dersom du har psykiske vanskar eller lidingar, har kommunen ulike tilbod som kan bidra til å styrke evna di til å meistre livet. Hjå oss møter du helse- og sosialfagleg personell med vidareutdanning og erfaring innan psykisk helsearbeid.
Meir om tenesta
- Samtalar i heimen, i kontorlokala våre eller ved gåturar ute. Støtte, rettleiing og motivasjon kan være innhald i samtalane.
- Kognitiv terapi ved angst og depresjon.
- Oppfølging i krevjande livssituasjonar/kriser.
- Oppfølging før, under og etter pakkeforløp i spesialisthelsetenesta.
- Ved samansette problem kan tenesta hjelpe til med utarbeiding av individuell plan/ansvarsgruppe/personleg koordinator.
- Utarbeiding av kriseplan.
- Støtte og hjelp i heimesituasjon.
- Støtte og rettleiing til pårørande.
- Medikamenthandtering.
Kven kan få tenesta?
Tenesta gir tilbod til vaksne over 18 år med psykiske problem og/eller rusmiddelproblem, frå lettare til meir alvorleg grad. Du sjølv, pårørande eller andre faginstansar kan ta kontakt.
Korleis kan du søkje på tenesta?
Avdeling for Psykisk helsearbeid held til i kjellarlokala på Vik bygde- og sjukeheim. Tenesta er open vekedagar mellom 08.00-15.30. Ta kontakt på telefon 909 90 116.
Søknadsfrist
Det er ikkje søknadsfrist. Søknadar vert behandla fortløpande.
Kva kostar det?
Tenesta er gratis.
Vilkår for å få tenesta?
Du må bu i kommunen eller opphalde deg her, og ha eit behov som tenesta kan hjelpe deg med.
Tilsette i tenesta har teieplikt.
Kontaktinformasjon
Aktuelle lenker
Publisert 18.11.2021 10:40
Sist endra 07.12.2021 11:04