Meir om tenesta
Det er opplæringslova som krev at PPT gjer denne vurderinga, då PPT er både fagleg kompetent og ein nøytral part.
PPT skal gjere ei sakkyndig vurdering i desse tilfella:
- Søknad om tidleg eller utsett skulestart
- Spesialpedagogisk hjelp
- Spesialundervisning
- Fritak frå opplæring
- Punktskriftopplæring
- Teiknspråkopplæring
- Alternativ og supplerande kommunikasjon (ASK)
- Inntak til særskilt utdanningsprogram i vidaregåande
- Utvida opplæringstid i vidaregåande skule
Barn/elevar under 15 år kan visast til tenesta av føresette eller i samråd med barnehage/skule. Unge over 15 år kan sjølve ta initiativ til kontakt med tenesta, eventuelt i samarbeid med skulen. Vaksne tek sjølv kontakt med tenesta.
Kven kan få tenesta?
Målgruppa er born, ungdom og elevar som ikkje har eller ikkje kan få tilfredsstillande utbytte av det ordinære opplæringstilbodet. PPT hjelper barn og unge med særskilte behov. Eksempel på særskilte behov kan vere:
- språk- og talevanskar
- konsentrasjonsvanskar
- sosiale- og emosjonelle vanskar
- åtferdsvanskar
- syn- og hørselsvanskar
- generelle lærevanskar eller fagvanskar
- lese- og skrivevanskar
- matematikkvanskar
- nonverbale lærevanskar
Korleis kan du søkje på tenesta?
Born/elevar under 15 år blir tilvist av føresette sjølve eller i samråd med barnehage/skule/helsestasjon. Unge over 15 år kan ta initiativ til tilvising sjølv, eventuelt i samarbeid med skulen.
Du kan kontakte kommunen for å få hjelp med tilvisinga.
Følg denne lenka for meir informasjon.
Søknadsfrist
Tilvisingane blir handsama fortløpande, og tenesta har ingen søknadsfrist.
Kva kostar det?
Tenesta er gratis.
Vilkår for å få tenesta
Barnet/eleven har ikkje eller kan ikkje få tilfredsstillande utbytte av det ordinære opplæringstilbodet.
Sakshandsaming
Uttalen frå PPT er eit ledd i saksførebuinga før det blir gjort vedtak om spesialundervisning o.a. Førespurnader om tilvising blir handsama etter kvart som dei kjem inn.
Kontaktinformasjon
Sogn PPT held til i Dalavegen 2 i Sogndal.
Telefon 45 87 97 26
E-post: postmottak.ppt@sogndal.kommune.no
Postadresse: Postboks 153, 6851 Sogndal
Aktuelle lenker og dokument
Barnehageloven
Opplæringslova