Slik søkjer du om eit tiltak (utan ansvarsrett)

Nokre byggetiltak kan du sende inn søknad om sjølv. Her er ei rettleiing for korleis du søkjer.

Bygge sjølv eller hyre inn fagfolk?

Sjekk først om du kan søkje sjølv eller om fagfolk må søkja for deg.

Sjå eigen artikkel om kva for tiltak som krev at fagfolk gjer søknadsarbeidet for deg.

Eit "tiltak" kan vere å bygge, rive eller endre eit bygg.

Førehandsbestilling=din kontakt inn til kommunen

Dersom du treng kontakt med saksbehandlar i kommunen før du startar ein eventuell søknadsprosess, kan du enkelt bestille ein førehandskonferanse. Kryss av i skjemaet kva for tiltak du har planar om, og send inn elektronisk. Saksbehandlar vil då ta kontakt med deg. Dette vert det ikkje kravd inn gebyr for.

Skjema for førehandsbestilling

Samle alt du må ha med i byggesøknaden:

Søknadskjema:
Søknadskjema - søk om tiltak utan ansvarsrett
Situasjonskart:
Situasjonskartet kan du bestilla i vårt skjema - kartbestilling
Du kan og skrive ut situasjonskart sjølv ved å gå inn på Sognekart lenkja her. Hugs då å skrive ut med rutenett. Vanleg målestokk er 1:500.
Teikningar; dvs. fasadeteikningar med mål, planteikningar og snitt-teikningar. Teikningane skal vere godt utført.
Nabovarsel m/vedlegg (sjå lenger nede i artikkelen om kva som skal vera vedlagt).

Varsle naboane

Når du har samla alle dokument du treng til byggesøknaden din, må du varsle naboar. For mindre arbeid som ikkje påverkar naboen treng det ikkje varslast, men det kan likevel vere greit å seie ifrå! Når varsel er sendt, skal naboane få minst 14 dagar til å uttale seg om tiltaket. Naboane skal sende sine merknader til deg.

Skjema for nabovarsel

Skjema kvittering for nabovarsel (PDF, 54 kB)