Medverknad er ein grunnleggjande føresetnad i eit lokaldemokrati, og gjev innbyggjarane moglegheita til å delta og medverke i planprosessar. Innbyggjarane si aktiv rolle i plan- og vedtaksprosessar er viktig for å ta vare på felles verdiar og grunnleggjande levekår i eit berekraftig samfunn (kjelde: Rettleiar KMD: Medvirkning i planlegging).
Sjå også videoen på denne lenkja, der ordføraren fortel om arbeidet med planen.
Kommunen legg opp til omfattande medverknad frå innbyggjarane i revisjonen av samfunnsdelen til kommuneplanen i 2025. Det skal leggjast spesielt vekt på medverknad frå barn og unge. På denne sida finn du informasjon om både planlagde og gjennomførte medverknadsarrangement:
Planlagde eller pågåande medverknadsarrangement
- Mai/juni 2025: Sjekk ditt personleg klimafotavtrykk! Innbyggjarane er oppmoda til å prøve Ducky sin klimakalkulator og dele resultatet sitt anonymt med kommunen.
- Mai/juni 2025: Gjestebod frivillige lag og organisasjonar: Korleis styrke frivilligheita og inkludere fleire?
- 28.5.2025: Sak på møtet i ungdomsrådet: Berekraftsmål som skal ligge til grunn for ny samfunnsdel og forslag hovudmål i planen
- 12.6.2025: Arbeidsverkstad med kommunestyret, ungdomsrådet og eldrerådet om målprioritering og handtering av målkonfliktar
- Juni 2025: Innbyggjar-gjestebod om utvalde tema i ny samfunnsdel.
- Oktober/november 2025: Offentleg høyring av planforslaget
Gjennomførte medverknadsarrangement
- Januar 2025: Digital spørjeundersøking «Korleis skal Vik kommune vere i framtida?» Det kom inn totalt 260 svar, skuleelevar blei spesielt inviterte til å delta Du kan sjå svara her (PDF, 996 kB)
Her kan du sjå ordskyer laga av enkelte svar. (PDF, 415 kB)
- 13.2.2025: Arbeidsverkstad med kommunestyret, ungdomsrådet og eldrerådet om klima og klimamål. Det var Vestland fylkeskommune som gjennomførte arbeidsverkstaden i samarbeid med kommunen.
Her kan du sjå presentasjonen vist på arbeidsverkstaden (PDF, 1010 kB).
Lista over moglege tiltak for å redusere forbruksbaserte klimagassutslepp, som det blei referert til i arbeidsverkstaden finn du på denne lenkja.
- 26.2.2025: Samfunnsdelrevisjonen som tema på årsmøtet i pensjonistlaget. Her blei det både informasjon om planen og høve til innspel. Kva er det dei eldre i Vik kommune treng?
- 28.2.2025: Samfunnsdelrevisjonen som tema på ungdomsrådsmøtet. Kva har dei unge svara i spørjeundersøkinga i januar? Korleis når vi dei eldre ungdomane?
- 1.4.2025: Samfunnsdelrevisjonen som tema på møtet for eldrerådet og rådet for menneske med nedsett funksjonsevne: Om planen og korleis råda kan gje innspel.
- 15.5.2025: Arbeidsverkstad med kommunestyret, ungdomsrådet og eldrerådet om overordna arealstrategi.
Arbeidsverkstad - presentasjon frå samlinga 15.05.25 finn de på denne lenkja. (PDF, 601 kB)
Resultat frå arbeidsverkstaden i kommunestyret 15.05.25 finn de her. (PDF, 594 kB)
Publisert 20.02.2025 08:42
Sist endra 04.06.2025 14:19